Presidenti amerikan Joe Biden është bërë kryefjalë e rrjetit, pasi një video e tij ku shihet teksa rrëzohet nga biçikleta po qarkullon masivisht në internet.
79-vjeçari Biden po lëvizte me biçikletë pranë shtëpisë së tij në Rehoboth Beach, por në një moment e humbi ekuilibrin, duke u përplasur në tokë, jo shumë larg këmbëve të gazetarëve dhe operatorëve që prisnin një prononcim prej tij.
Menjëherë pas incidentit i cili ndodhi rreth orës 9:30 të mëngjesit, ai i siguroi gazetarët që nuk kishte pësuar ndonjë dëmtim duke thënë: “Jam mirë”.
Presidenti sqaroi se kishte pasur problem me heqjen e këpucëve nga pedalet e biçikletave, gjë që i kishte shkaktuar rënien.
Biden dhe bashkëshortja Jill ndodheshin në Delaware, ku po kalojnë përvjetorin e tyre të 45-të martesës.
