Policia po ushtronte kontroll në lokal, mirëpo prangos 4 klientë

4 persona janë vënë në prangat e policisë në Fier, pasi akuzohen se kanë kundërshtuar forcat e rendit.

Burime bëjnë me dije se shtetasit e arrestuar nga policia janë: Julian Tafa, Enerik Metaj, Albano Metaj dhe Elsi Kapaj.

Njoftimi i policisë:

Kundërshtuan punonjësit e Policisë, gjatë kryerjes së detyrës, vihen në pranga 4 shtetas.

Specialistët për Hetimin e Krimit Ekonomik e Financiar në DVP Fier arrestuan në flagrancë, për veprën penale “Kundërshtimi i punonjësit të policisë së rendit publik”, shtetasit J. T., 20 vjeç, E. M., 23 vjeç, A. M., 22 vjeç dhe E. K., 20 vjeç, banues në Fier. 

Kjo pasi në një lokal në bulevardin “Ramiz Aranitasi”, 4 të rinjtë, të cilët ishin klientë në lokal, kanë kundërshtuar punonjësit e Drejtorisë Vendore të Policisë Fier, të cilët kanë qenë duke ushtruar kontroll për paligjshmëri, në këtë subjekt.

Materialet i kaluan Prokurorisë, për veprime të mëtejshme.