Policia “në këmbë”/ Ndeshja Shqipëri-Izrael, shtohen kontrollet në Tiranë

Për shkak të ndeshjes së futbollit Shqipëri-Izrael që do të luhet sot në mbrëmje në “Air Albania” në kuadër të Ligës së Kombeve, policia ka shtuar kontrollet në Tiranë.

Vendimi është marrë për shmangien e çdo incidenti të mundshëm në qytet, siç ndodhi në rastin e finales Romë-Feyenord.

Forca të shumta policore dhe të forcave të RENEA-s janë në qytet për të mbajtur në kontroll situatën, siç shihet edhe në pamjet e mëposhtme.

Ndërkohë është zbuluar edhe formacioni i lojtarëve që do të ndeshen sot me Izraelin.

Në portë sërish do ë jetë Etrit Berisha, ndërkohë që në mbrojtje ndryshimi i vetëm mendohet të jetë Veseli i cili do të zërë vendin e Kumbullës.

Balliu dhe Hysaj do të pozicionohen në krahë, ndërsa në qendër të mesfushës do të jenë, Bajrami-Asllani, që do të shoqërojnë Amir Abrashin.

Ndërkohë, në sulm trajneri italian ka menduar që të rikthejë Armando Brojën dhe Myrto Uzunin.