Profesor Artan Fuga i ka drejtuar një mesazh ministres së Bujqësisë Frida Krifca.
Ai shprehet se shteti duhet të kontrollojë gjendjen e tokave të lëna djerrë dhe t’i mbjellë me grurë, duke krijuar fermat e sigurisë ushqimore”.
Sipas tij kjo bëhet për të përballuar krizën ushqimore, ndërsa shton me ironi se në vend të këtyre, “merren me poezi migjeniane dhe kokrrën e fundit të grurit.
Postimi i plotë:
Për ministren e bujqësisë!
Ne vend që shteti t’i hyjë një studimi për të parë gjendjen e tokave të lëna djerrë për më shumë se tre vjet, të sekuestrojë përkohësisht mbi baza kontraktuale tokat e papunuara, apo t’i marrë me qira, derisa pronarët e tyre të vendosin që t’i venë nën kulturë, dhe t’i mbjellë me grurë, duke krijuar “fermat e sigurisë ushqimore” duke ua dhënë përdorim të tjerëve për të përballuar krizën ushqimore, merremi me poezi migjeniane për kokën e fundit të grurit të malësorit dhe për thesin e çpuar të grurit nga importi!
O Zot i madh! A dimë vërtetë të bëjmë shtet? Se na kanë thënë se nuk dimë! Lëre shtetin, po a dimë të qeverisim? Lëre qeverisjen, po a dimë të mbjellim?
