Njoftoi vetë ambulancën/ Misteri i plagosjes së 48-vjeçarit, ja pista ku dyshon policia

Dje në mbrëmje u plagos në Velipojë 48-vjeçari Pjerin Brushtulli.

Ai u qëllua me armë zjarri në plazh.

Mësohet se ambulancën e njoftoi vetë i plagosuri duke thënë që ka marrë plumb në trup.

Ende deri më tani nuk ka asnjë të shoqëruar nga policia që mund të ketë lidhje me ngjarjen, pasi ende nuk ka një vend fiks se ku mund të ketë ndodhur skena.

Vetë i plagosur nuk ka qenë në gjendje të dëshmojë për shkak të një operacioni të gjatë dhe plagës së rëndë që ka në trup.

Policia ka dy pista kryesore të kësaj ngjarje. E para lidhet me një konflikt të çastit që mund të ketë pasur 48-vjeçari, ndërsa pista e dytë e hetimeve është fokusuar në të kaluarën e të plagosurit.

Pjerin Brushtulli ka qenë i dënuar më parë me 15 vite burg për shkak se në vitin 2002 ka vrarë bashkëfshatarin e tij Kolec Nushi. Në atë kohë 35-vjeçari Kolec Nushi, nga fshati Bërdicë i Shkodrës, është vrarë pranë banesës së tij. Në kohën kur ka kryer krimin Brushtulli ka qenë 28-vjeçar.