Në krah të liderëve europianë, Rama publikon momente nga darka në Selanik

Kryeministri Edi Rama ka publikuar disa foto nga Samiti i SEECP (procesi i bashkëpunimit të Europës Juglindore) që u mbajt në Selanik.

Ai shihet i buzëqeshur krah kryeministrit grek Kyriakos Mitsotakis, kancelarit gjerman Olaf Scholz dhe presidentit të Këshillit të Evropës, Charles Michel.

Por ajo që bie në sy në këto foto është mungesa e presidentes së Kosovës, Vjosa Osmani, e cila mesa duket nuk ka qenë prezente në momentin kur janë shkrepur fotot.