Me 78 vota pro/ Bajram Begaj pason Ilir Metën në detyrë, një deputet i opozitës “kapërcen kufirin”

Presidenti i ri i Shqipërisë do të jetë Bajram Begaj.

Gjeneralmajori u zgjodh në seancën e sotme parlamentare me votat e Partisë Socialiste dhe Social Demokrate.

Ndërkohë sipas llogaritjeve, ka rrjedhur edhe një votë nga opozita.

Nga 83 deputetë që kanë marrë pjesë në votim, 78 kanë votuar pro, katër kundër dhe një abstenim.

Kujtojmë që mazhoranca ka në total 74 mandate, ndërsa 3 i ka Partia Social Demokrate, ndërsa një deputet nga opozita ka votuar për Presidentin e ri.

Nga opozita votuan Nusret Avdullai, Monika Kryemadhi, Petrit Vasili, Erisa Xhixho etj , por nuk dihet se cili ka dhene voten pro.

Në seancën e sotme parlamentare, Begaj mori votat e mazhorancës, ndërsa opozita ishte e ndare. Nderkohe që Berisha nuk mori pjese, deputetet e LSI kane marre pjese ne votim.

Kujtojmë që Begaj mbante postin e Shefit të Shtabit të Pergjithshëm të Forcave të Armatosura, por sot ai dha dorëheqjen.

Ndërsa Presidenti Ilir Meta nga Stambolli firmosi dekretin për lirimin nga detyra e Shefit të Shtabit të Përgjithshëm të Forcave të Armatosura të Republikës së Shqipërisë, si dhe nxjerrjen në lirim nga shërbimi aktiv në Forcat e Armatosura, të Gjeneralmajor Bajram Rushit Begaj.