LIGJET E BIZNESIT
Ditën e sotme në kuadër të Konferencës Kombëtare Antikorrupsion u zhvillua një panel me pjesëmarrës nga shoqatat e biznesit vendas dhe të huaj në Shqipëri.
Diskutimi u moderua nga gazetarja dhe ekspertja e ekonomisë Aurora Sulçe.
“Pasi moderova panelin për biznesin në Konferencën Kombëtare Antikorrupsion, përcolla zërin e sipërmarjes vendase dhe të huaj për shqetësimet me korrupsionin. Dixhitalizimi i shërbimeve publike ka qenë kërkesë e biznesit që 6 vite më parë. E rëndësishme që bëhet sot, por e pamjaftueshme. Duhen masa të tjera për të përmirësuar klimën e të bërit biznes në vend. Jemi ende larg të tjerëve”, është shprehur Sulçe në fjalën e saj.
Gjatë takimit biznesi kërkoi që qeveria krahas dixhitalizimit të shërbimeve publike, gjë të cilën e kanë kërkuar prej 6 vitesh, të marrë dhe masa të tjera.
Gjithashtu ata kanë bërë thirrje që të mos ketë ndryshime të shpeshta të taksave dhe tatimeve.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
Sipas përfaqësuesve të biznesit, në mënyrë që të rritet niveli i shërbimit, duhet bërë dhe trajnimi i punonjësve të administratës publike, metoda këto që do të përmirësonin ndjeshëm situatën.
