Kaos në drejtësi/ Asnjë seancë gjyqësore, pezullohen mbi 1 mijë takime

Ditën e sotme në Shqipëri nuk është mbajtur asnjë seance gjyqësore.

Shkak për këtë është bërë mungesa e avokatëve të cilët kanë nisur grevën 4 ditore kundër hartës së re gjyqësore.

Prej orës 08:00 të mëngjesit të kësaj të marte, avokatët e Korçës, Fierit, Vlorës, Shkodrës, Durrësit dhe shumë qyteteve të tjera kanë bojkotuar të gjitha seancat gjyqësore, përveç masave të sigurisë.

Mbi 1000 seanca gjyqësore janë pezulluar vetëm këtë të martë duke shkaktuar paralizim të drejtësisë. Bojkoti do të zgjasë deri më datë 17 qershor.