Gazetarja Anila Hoxha ka folur sot për trafikun e drogës nga bandat shqiptare, brenda dhe jashtë vendit.
Hoxha tha se nga një studim që ka bërë kohët e fundit, ka rezultuar se në Shqipëri kokaina përdoret njësoj si hashashi, ndërsa theksoi se ekziston edhe përdorimi i ekstazisë.
“Me raste konkrete rezultoi që kokaina përdorej njësoj si hashashi, ashtu sikurse ekziston edhe një fenomen tjetër, ekstazia. Kokaina ishte një fenomen surprizues”, u shpreh ajo.
Teksa u ndal te bandat që operojnë jashtë vendit, gazetarja deklaroi në ermisionin “Top Talk” se shqiptarët nuk mund t’i quajmë zotërues të trafikut të drogës.
“Emrat e trafikantëve të cilët përmenden publikisht, tregon se shqiptarët kanë ndryshuar në mënyrën e përfshirjes në krimin e organizuar.
Ka elementë të rrezikshëm, por ne nuk mund t’i quajmë zotërues të trafikut të drogës. Referuar të dhënave, Shqipëria është një pikë tranziti e fortë, por pikë tranziti e konfirmuar”, nënvizoi Anila Hoxha.
