LIGJET E BIZNESIT
Familjarët, miqtë, bashkëpunëtorët dhe të afërm kanë përcjellë sot për në banesën e fundit ish-presidentin Bujar Nishani.
Ai ndërroi jetë disa ditë më parë në një spital të Berlinit në Gjermani pas problemeve të theksuara shëndetësore që i shkaktoi koronavirusi.
Fjalimi përmbyllës u mbajt nga ish-kryeministri Sali Berisha, gjatë qeverisjes së të cilit Nishani shërbeu si ministër i Drejtësisë dhe i Brendshëm.
Duke e nisur fjalimin e tij me fjalët “I dashur Bujar!”, Berisha e cilësoi largimin e Nishanit të parakohshëm të një njeriu që ngjiti me shpejtësi shkallët e karrierës duke qenë një drejtues i spikatur dhe i ndershëm. Beriusha tha se ndiheshin krenarë që kishin patur pranë një njeri, bashkëshort, demokrat dhe President si ai.
“Paqja dhe bekimi i Zotit qofshin mbi ty! Të qoftë i lehtë dheu i tokës mëmë”, tha Berisha në fund për Nishanin, ndërsa nuk i mbajti dot lotët.
