Goditi me lopatë biznesmenin, zbulohet si nisi sherri për shezlongët në Shëngjin

Hapësirat për vendosjen e shezlongeve në plazh kanë sjellë një konflikt me një të plagosur në Shëngjin.

Ngjarja ndodhi një ditë më parë.

Ndërkohë raportohet se dy poseduesit e hapësirës se plazhit Paris Deda dhe Armando Marku kishin dakordësuar mbajtjen e një distance ne korridorin ndërmjet tyre ku do te kalonin pushuesit.

Vendosja e shezlongëve ne kufinj, gjë qe pengonte pronarin tjetër që të bënte të njëjtën gjë është shoqeruar me debat fillimisht. Në këtë situate ka nisur edhe konflikti ndërmjet vëllezërve Armando e Erjon Marku dhe bashkëshortes së Paris Dedës.

Sipas burimeve nga policia e Lezhes, ky debat është shoqeruar me shtyrjen dhe rrëzimin në tokë të gruas qe ishte aty për të pare stacionin e plazhit. Pasi ka pare gruan e rrëzuar, Paris Deda ka marrë një lopatë dhe ka qëlluar ne pjesën e kokës ndaj Armando Markut duke e plagosur, ndërsa i vëllai Erjon Marku nuk mori lëndime.

Pas ngjarjes Paris Deda u largua dhe policia e shpalli në kerkim, po kështu është proceduar me akuzën e plagosjes dhe kryerjes se veprimeve të tjera me dashje Erjon Marku, vëllai i të plagosurit.