LIGJET E BIZNESIT
Ligji i grabitjes së pasurive publike, i njohur ndryshe si ligji i investimeve strategjike, po prodhon afera nga më të paimagjinueshmet.
Pas burrit të ministres Olta Xhaçka, gaztorit Gaz Paja, kushurinjve të Damian Gjiknurit, etj, Prapaskena zbulon se investitor strategjik është shpallur edhe një gjysh 73-vjeçar nga Gjiri i Lalzit, pronar i një kompanie fantazmë me kapital 100 lekë dhe pa aktivitet.
Gjysh Selimi do ndërtojë hotel me 5 yje me vlerë miliona euro! Në Shqipëri gjithçka mund të ndodhë!
Bëhet fjalë për Selim Mollën, babain e Redi Mollës, i cili më parë ka qenë drejtor i Ujësjellësit të Tiranës, i lakuar për përfshirje në disa linja korrupsioni me tenderat. Selim Molla, pa historik biznesi, në shtator të vitit 2020 ka themeluar kompaninë Restur, me objekt zhvillimin e investimeve në fushën e hoteleri-turizmit. Më pas, Selim Molla, me kompaninë Restur është bërë aksioner me 24% tek kompania Mediterranean Investment Group, themeluar një javë më pas, duke kontribuar me 200 mijë USD.
Në 2 shtator 2020 Selim Molla themelon kompaninë Restur me 100 lekë, ndërsa në 10 shtator 2020, hedh 200 mijë euro tek kompania Mediterranean Investment Group.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
Po ku i mori Selim Molla 200 mijë euro për t’i investuar në kompaninë Mediterranean Investment Group?
Mos vallë janë paratë e korrupsionit të të birit si ish drejtor dhe aktualisht administrator i kompanisë publike të ndërtimit të Bashkisë Tiranë?
A janë në dijeni të lëvizjes së parave organet ligjzbatuese dhe a kanë nisur ndonjë hetim?
Historia nuk mbaron këtu. Kompania Mediterranean Investment Group me 4 aksionerë të tjerë po aq të dyshimtë sa edhe gjysh Selimi, pretendon se është shpallur nga qeveria investitore strategjike, për të ndërtuar një hotel me 5 yje në mes të Durrësit. Vlera e investimit parashikohet mbi 15 milionë euro.
Gjysh Selimi, i cili ka kositur bar dhe si të ardhura ka një pension, do të sjellë kështu në Durrës një brand ndërkombëtar si “IHG Hotels & Resorts”. Nga ana tjetër, i biri Redi Selimit, fsheh edhe një hotel luksoz në Dhërmi, për të cilin do të flasim në vijim./Prapaskena
