Foto-lajm/ Rama para takimeve të Ballkanit të Hapur, krah Vuçiç dhe kryeministrit boshnjak

Kryeministri Edi Rama ka ndarë fotot krah liderëve të Ballkanit Perëndimor që marrin pjesë në Samitin e Ballkanit të Hapur që do mbahet ditën e nesërme në Ohër.

“Ohër, Samiti i Ballkanit të Hapur”, shkruan Rama.

Pjesëmarrësit e nismës “Ballkani i Hapur” mblidhen sot dhe nesër në Ohër të Maqedonisë së Veriut, për takimin e radhës. Të martën ata do të marrin pjesë në një darkë pune, ndërkaq të mërkuren pritet të nënshkruajnë katër marrëveshje bashkëpunimi – për luftën kundër evazionit fiskal, për njohjen e diplomave të arsimit të lartë, për bashkëpunim kulturor dhe për bashkëpunim në fushën e turizmit – në të cilat Radio Evropa e Lirë ka pasur qasje.