“Fikni dritat” Përmbytet Tirana, ja lajmërimi i rëndësishëm për qytetarët

Përmbytjet që ndodhën në Tiranë për shkak të shiut, kanë sjellë ndërprerje të energjisë elektrike në disa lagje të kryeqytetit.

Ndërkohë policia u ka bërë thirrje qytetarëve që të fikin dritat.

Kjo ka ardhur pasi mund të ketë pasoja nga shkarkesat elektrike, por edhe luhatjet e tensionit.

Me kërkesë të Policisë (salla operative), për shkak të daljes së lumit Lana nga shtrati, OSSH stakoi 3 fidera të NS Selitë, si masë sigurie.

Këto linja furnizojnë  pjesërisht zonat “Bulevardi “Bajram Curri”, “Zhan Dark”, rruga e Kavajës, rruga “Myslym Shyri” etj.

Pas verifikimeve në terren për prani të ujit në kabina, ekipet e OSSH rikthyen pas 25 minutave energjinë elektrike për 2 fiderat.

Aktualisht po i japim gradualisht energji zonave të prekura nga masa e sigurisë deri në rikthimin e plotë të energjisë në të gjitha zonat.