Një ngjarje e rëndë ka ndodhur ditën e sotme në Fier. Mësohet se në lagjen “Sheq i Madh”, Fier, në vendin e quajtur “Vija e ngjalës” është gjetur i vdekur një 67-vjeçar. Nga verifikimet e deritanishme bëhet e ditur se 67-vjeçari me iniciale H.H nuk ka shenja dhune dhe ka dyshime se mund të jetë rrëzuar aksidentalisht.
Njoftimi i policisë Fier:
Sot rreth orës 17:00, në lagjen “Sheq i Madh”, Fier, në vendin e quajtur “Vija e ngjalës”, është gjetur pa shenja jete dhe pa shenja dhune, shtetasi H. H., 67 vjeç, banues në Fier. Nga verifikimet paraprake, dyshohet se mund të jetë rrëzuar aksidentalisht. Grupi hetimor po punon për zbardhjen e rrethanave të ngjarjes.
