LIGJET E BIZNESIT
Hetuesit kanë dyshime se në atentatin ndaj 27 vjeçarit Aleksandër Sadikaj në periferi të Tiranës, është vendosur rreth 500 gram tritol.
Sipas Prokurorisë, i riu ka dalë nga shtëpia në Sauk të vjetër dhe pak minuta më pas u hodh në erë bashkë me makinën e tij.
Fillimisht ai mbeti i gjymtuar, teksa humbi jetën më pas në spital si pasojë e plagëve të rënda të marra.
Në vendin e ngjarjes policia gjeti edhe një pistoletë që nuk dihet kujt i përket. Ndërsa prokuroria po heton në disa pista, atë të larjes së hesapeve si dhe atë të hakmarrjes për shkak se ishte përfshirë në ngjarje kriminale në Greqi, transmeton Neës 24. Gjithashtu, mësohet Aleksandër Sadikaj ka qenë në të njëjtin burg me Alket Rizain në shtetin fqinj.
Sadikaj u vra ditën e shtunë pas një shpërthimi të telekomanduar në automjetin e tij teksa udhëtonte drejt rreth-rrotullimit të Saukut. Ai u nxor i gjallë nga automjeti dhe u dërgua menjëherë në spital por nuk mundi t’i mbijetonte plagëve të rënda që i la shpërthimi.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
Nisur nga hetimet e deritanishme dyshohet se autorët e ngjarjes kanë qenë vrasës me pagesë. Ndërsa mësohet se lënda plasëse ishte vendosur në anën e shoferit.
27-vjeçari Sadikaj i njohur ndryshe si “Aleksi i Memaliajt”, i riu ishte pronar i resortit “Sancho Farm Albania”, ku sipas ekstraktit të nxjerrë nga QKB-ja, ky subjet është regjistruar në janar të këtij viti.
Aii publikonte shpesh video dhe foto nga përditshmëria e tij në faqen e biznesit të këtij resorti.
