Donin të kalonin kufirin për në Angli, 3 shqiptarët rrezikojnë deri në 50 vjet burg

Policia ka kapur tre shqiptarë dhe një grua belge pasi tentuan të kalonin kufirin për në Britaninë e madhe ilegalisht, të cilët rrezikojnë deri në 50 vjet burg.

Të katërt personat po udhëtonin me një fugon që ishte nisur nga Belgjika, ndërsa ishin fshehur mes një grumbulli pikturash, që gruaja belge pretendonte se do i shiste në Angli.

Fugoni i Viviane V. u ndalua në Nieuëpoort, ku gjatë kontrollit u gjetën edhe tre shqiptarët dhe bashkë me ta edhe një fëmijë tre vjeçar. Hetimet zbuluan se 36-vjeçari shqiptar Ermal L. mësohet se ka shoqëruar gruan belge në Drongen ku u takuan edhe me dy shqiptarët e tjerë, Hysen D. 35 vjeç dhe Basri A. 40 vjeç. Avokatët mbrojtës kanë kërkuar pafajësinë e tyre, ndërsa vendimi përfundimtar pritet të jepet më 25 korrik.