“Do të zbardhnin një sërë ngjarjesh” Eksperti tregon lëvizjen urgjente që duhet të bëjë Policia e Shtetit

Eksperti i Kriminalistikës, Ervin Karamuço komentoi sot edhe në lidhje me 2 bazat e armatimeve që u gjetën në Tiranë.

Sipas tij, në këto raste policia me një hetim proaktiv mund të shikonte se cilët anëtarë do merrnin armë dhe do të zbardhnin një sërë ngjarjesh dhe autorë të tjerë.

“Brenda 10 ditës janë zbuluar dy baza armatimesh, që mund të jenë përdorur në ngjarje të kaluara ose mund të kenë qenë gati për t’u përdorur. Janë edhe modifikime që u bëhen armëve. Janë më shumë punishte se sa depo, prandaj na i çojnë në nivel më të lartë rrezikshmërinë. Policia me një hetim proaktiv mund të shikonte se cilët anëtarë do merrnin armë dhe do të zbardhnin një sërë ngjarjesh dhe autorë të tjerë. Janë shumë detaje që kanë dhënë të penduarit të drejtësisë se ku i gjetën armët. Kështu ata bëhen të besueshëm dhe marrin statusin e të penduarit”, u shpreh Karamuço.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern