Në takimin e sotëm me kryebashkiakët, ministrja e Financave dhe Ekonomisë Delina Ibrahimaj ka njoftuar se po hartohet një ligj i ri për mbledhjen e taksës së pasurisë.
Sipas saj, këtë vit taksa e pasurive do të nisë me një proces krejt ndryshe.
Ibrahimaj theksoi se pilotimi do të nisë në 9 bashki.
“Megjithatë dua të ndalem te disa taksa që nuk e kanë pasur perfomancën e duhur. Prej kohësh kemi folur për taksën e pasurisë që këtë vit fillon me një proces ndryshe. Taksa e pasurisë këtë vit fillon me një proces krejt ndryshe. Ajo është duke u pilotuar në 9 bashki. Pilotimin e fillojmë në 9 bashki. Është nga ato taksa që nuk ka pasur performancë aq të mirë sa të tjerat. Do hartojmë një ligj të ri të taksës së pasurisë Pritet të nisë diskutimi në gjysmën e dytë të vitit. Pa sisteme të forta elektronike nuk arrihet reformë në mbledhjen e taksave”, tha Ibrahimaj.
Pjesë nga fjala e ministres:
Dua ta nis me një falenderim për ata që kanë kontribuar në këto vite për modernizimin e qeverisjes vendore. Kontribut të madh ka pasur qeveria zviceriane që ka asistuar me qëllim arritjen e këtij objektivi të përbashkët. Kërkohet vullnet dhe angazhim. Ky angazhim është treguar gjatë këtyre viteve por do të vijojë edhe në vitet e ardhshme me kalimin e shërbimeve online.
Kjo kërkon përgjegjshërmi të lartë si nga ana juaj dhe nga ana jonë. Reforma ka sjellë rritje të eficencës dhe rritje të të ardhurave dhe investimeve publike në çdo bashki. Të ardhurat që nga viti 2015 janë rritur me 2.3 herë ndërkohë që shpenzimet ku bëjnë pjesë dhe investimet janë rritur me rreth 60%. GDP ka ardhur në rritje. Sot përbëjnë 3.3% të GDP-së. Të ardhurat vendore janë rritur.
Megjithatë dua të ndalem te disa taksa që nuk e kanë pasur perfomancën e duhur. Prej kohësh kemi folur për taksën e pasurisë që këtë vit fillon me një proces ndryshe. Taksa e pasurisë këtë vit fillon me një proces krejt ndryshe. Ajo është duke u pilotuar në 9 bashki. Pilotimin e fillojmë në 9 bashki. Është nga ato taksa që nuk ka pasur performancë aq të mirë sa të tjerat. Do hartojmë një ligj të ri të taksës së pasurisë Pritet të nisë diskutimi në gjysmën e dytë të vitit. Pa sisteme të forta elektronike nuk arrihet reformë në mbledhjen e taksave.
