“Do marshojmë drejt Kryeministrisë” Aktivistja tregon planin për protestën e nesërme në Tiranë

Aktivistja Mirela Ruko paralajmëron se protesta e ditës së nesërme do të ketë formën e një marshimi drejt kryeministrisë dhe ka si qëllim t’i tregojë qeverisë se qytetarët nuk kanë më durim.

Ruko tha se Bordi i Transparencës thjesht lajmëron rritjen e çmimeve dhe se nuk mban anën e qytetarëve.

“Prej kohësh po vuajmë nga rritja e çmimeve, qytetarët kanë dalë në protesta për t’i kërkuar qeverisë masa konkrete. Kemi parë që ajo që ka bërë qeveria nuk ka ndikuar. Bordi i transparencës lajmëron për rritjen e çmimeve, por nuk mban anën e qytetarëve.

Nesër qëllimi ynë është për t’i thënë qeverisë që limiti i durimit ka marrë fund. Kërkesat do të artikulohen aty, kemi menduar që të jetë një marshim drejt kryeministrisë, komunikojmë me qytetarët.

Janë kushtet që i detyrojnë njerëzit, të mos duken në protesta. Nëse i thua dikujt a do vish në protestë, nëse punon në administratë thotë që po më panë atje më heqin nga puna.

Dhe ne pavarësisht se herë pas herë kemi protesta të mëdha e pastaj ulje të ritmin do të vijë një moment kur shoqëria do derdhet në rrugë. Deri atëherë do bëjmë organizime. Protesta është e hapur.

Nesër ka për të qenë një surprizë, të gjithë po e presin protestën, ka pakënaqësi.”, u shpreh ajo.

Ruko nga “Organizata Politike” tha se edhe pse Rama thotë se ka subvencionuar energjinë elektrike të gjithë qytetarët e kanë paguar në mënyrë jo të drejtpërdrejtë nëprmjet TVSH-së.

“Rama del e thotë që kemi subvencionuar energjinë, por jo nuk është e vërtetë. Duke paguar më shumë për këto produkte dhe vlera e TVSH është më e lartë shteti ka arkëtuar më shumë. Ndoshta s’e kemi paguar drejtpërdrejtë por me anë të TVSH-së. Rama shkon dhe i jep 80 milionë dollarë personave që kanë fituar tendera për rindërtimin. Paketa që Rama ka bërë për krizën ka qenë 55 milionë dollarë, ne duhet të protestonim për këtë paketë.

Nëse është rritur çmimi i betonit, hapim një tender të ri. Po kur ulet çmimi a ndryshon kontrata pse në këto momente këto po kërkojnë më shumë para.

Qeveria do i japë këtyre kompanive shumë para.

Ruko tha se nesër është një ditë ku qytetarët mudn të artikulojnë në rrugë dhe para kryeministrisë mllefin dhe pakënaqësinë e këtyre ditëve dhe muajve.

Nesër është një ditë që mllefin e pakënaqësinë e ketyre ditëve dhe muajve duhet ta artikulojmë në rrugë. Munn ta detyrojmë qeverinë të marrim masa. Përsa i përket partive, ata janë brenda parlamentit, ta bëjnë aty protestën, kjo është protestë e qytetarëve. Nesër do të kemi megafonë.”, tha ajo.