“Ditë historike” Shqipëria merr presidencën e Këshillit të Sigurimit, Rama entuziast

Nga sot, deri më 30 qershor, do të jetë Shqipëria që për herë të parë në historinë e saj, do të drejtojë Presidencën e Këshillit të Sigurisë, organi më I fuqishëm i Organizatës së Kombeve të Bashkua, me seli në New York.

Për këtë rast, kryeministri Edi Rama shpërndau një video-mesazh nga SHBA-ja, duke thënë se është një ditë historike, e po ashtu një privilegj për Shqipërinë. Bota është e trazuar nga konfliktet, thotë Rama, dhe të drejtat e njëirut po sprovohen rëndë. Përmendi këtu dhe Kosovën.

“Në Europë, plagët e luftërave që pasuan shpërbërjen e Ish-Jugosllavisë, sidomos në Kosovë, janë ende të hapura. Po bëjmë gjithçka mundemi për të ecur përpara pa e harruar të shkuarën, por duke u angazhuar për ndërtimin e një të ardhmeje të përbashkët në paqe”

Agresioni rus në Ukrainë nuk mund të shmanget, ndërsa Edi Rama thotë se duhet vepruar.

“Lufta e Rusisë në Ukrainë ka sfiduar sigurinë europiane dhe ka tronditur rendin botëror bazuar në rregulla. Ne nuk mundemi e nuk duhet të mësohemi me pandëshkueshmërinë. Është urgjente të veprojmë, tani, për viktimat e panumërta të konflikteve të pakuptimta, por edhe për ne, të gjithë, për atë çka besojmë, për atë çka na bën bashkë, për të mbrojtur ligjin, për të ruajtur veprimin shumëpalësh”

Të enjten, kryeministri Rama do të drejtojë debatin e hapur të nivelit të lartë të Këshillit të Sigurimit mbi llogaridhënien ndërkombëtare, si një ndër përparësitë e vendit tonë në Këshillin e Sigurimit, të theksuar edhe më shumë për shkak të agresioni të Rusisë kundër Ukrainës. ndëkorhë në vijim, deri më 30 qershor, shqipëria do të drejtojë disa sesione debatesh në këtë organ të OKB-së.

Shqipëria më 1 janar u zgjodh për herë të parë anëtare jo e përhershme në Këshillin e Sigurimit të OKB-së për periudhën kohore 2022-2023.