Bullgaria dha “dritën jeshile” për Shqipërinë dhe Maqedoninë e Veriut, Rama zbulon vendimin që ka marrë për Samitin e BE

Pasi Bullgaria dha sot “dritën jeshile” se do të heqë veton ndaj Maqedonisë së Veriut për integrimin në BE, duke i dhënë kështu shpresa dhe Shqipërisë, ka ardhur dhe reagimi i kryeministrit Edi Rama.

Ai bën të ditur se ka vendosur të marrë pjesë në mbledhjen e Këshillit të Bashkimit Europian.

“Sapo dëgjova që diçka po lëviz sot në Bullgari. Shumë herët për të qenë optimist dhe shumë pak për të ndryshuar pjesën e fjalimit të nesërm ku Bullgaria kritikohet si një vend që ka rrëmbyer dy vende të NATO-s, ndërkohë që ka një luftë të nxehtë në kufirin e Evropës!

Ne do të marrim pjesë në mbledhjen e Këshillit të BE-së. Nuk do të ketë shumë për të dëgjuar për ne, por ne do të kërkojmë të dëgjohemi për idenë e një Komuniteti të Ri Politik Evropian që ne mbështesim, për Ballkanin e Hapur që çon përpara frymën e Evropës dhe për rrëmbimin tonë nga Bullgaria që shkatërron atë.”, shkruan Rama.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern