Arrestohet sërish burri i ish-ministres së qeverisë Rama, ja për çfarë akuzohet

Policia e Kosovës ka arrestuar sot kryetarin e PSD.

Dardan Molliqaj është prangosur në afërsi të zyrës së kësaj force politike.

Arrestimi i tij vjen pas paralajmërimit për urdhër arrest ndaj tij përgjatë ditës së djeshme. Megjithatë, përkundër kësaj, kryetari i PSD-së ka qenë prezent në protestën e veteranëve për përfshirjen në pagë minimale.

Molliqaj nga kjo protestë deklaroi se shpreson në fitore të veteranëve.

“Protesta e veteranëve është reagim për padrejtësinë që po u bëhet veteranëve nga Kuvendi dhe Qeveria. Është e pa drejtë që po i maltratojnë, po i stigmatizojnë dhe po i luftojnë. Protesta po është çdo ditë e më e fuqishme besoj në fitoren e veteranëve besoj në fitoren e veteranëve sepse është e drejtë e tyre”, tha Molliqaj.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern

Gjykata Themelore në Prishtinë dje lëshoi urdhër arrest për rastin e sulmit fizik ndaj deputetit të LVV-së, Haki Abazit.

Dardan Molliqaj është bashkëshorti i ish-Ministres shqiptare të Arsimit, Besa Shahini.