Këngëtari Robert Berisha është përfshirë në një aksident automobilistik, ku makina e tij është përplasur nga një kamion.
Ngjarja ka ndodhur te vendi i quajtur “Rrethi me flamur” në Prishtinë.
Në pamjet e publikuar nga mediat e Kosovës, artisti shihej i nervozuar teksa bisedonte me të pranishmit në vendngjarje.
Nga ky aksident nuk ka persona të lënduar por vetëm dëme materiale.
Robert Berisha tha se bëhet fjalë për një aksident të lehtë dhe se nuk ka patur asgjë serioze. Lidhur me polemikën e ngjarjes, moderatori zbuloi se është përplasur me një kamion që i ka shkaktuar dëme materiale.
“Aksident i lehtë. Një kamion nga më të mëdhenjtë më goditi nga pas. Ia fala se ishte punëtor e nuk i dalin as 5 paga që ta paguaj dëmin.”- u shpreh ai.
Ai po ashtu ka publikuar edhe një foto nga makina ku shfaqet i buzëqeshur dhe në gjendje të mirë.
