A ka ardhur në Shqipëri? Lija e majmunëve bën “kërdinë”, në 29 shtete raportohen mbi 1000 raste

Lija e majmunëve është kthyer në një problem serioz për botën.

Sipas Qendrave të SHBA për Kontrollin dhe Parandalimin e Sëmundjeve (CDC) janë konfirmuar që nga 7 qershori 1088 raste.

Në Britani janë regjistruar 302 raste, Spanjë 198, Portugali 166, Kanada 80, Gjermani 80, Francë 66, Holandë 54, në SHBA 34,  Itali 20 dhe në Belgjikë 17. CDC tani këshillon udhëtarët që të “marrin masa paraprake shtesë” për të shmangur infeksionin, veçanërisht nga kontakti i ngushtë me njerëz me skuqje të lëkurës dhe organeve gjenitale.

Ndërkohë në Shqipëri ende nuk është konfirmuar asnjë rast nga autoritetet.

Rreziku i infektimit me linë e majmunëve konsiderohet ende i ulët për popullatën e përgjithshme. Megjithatë, në disa raste lija e majmunëve mund të merret nga ajri, të paktën në distanca të shkurtra.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern

Edhe pse transmetimi nga ajri është vetëm një faktor i vogël në përhapjen e lisë së majmunëve, ekspertët nuk janë ende në gjendje të bëjnë një vlerësim të saktë se sa kontribuon në përhapjen e sëmundjes.

CDC ka këshilluar pacientët të mbajnë një maskë.