“3000 euro shpërblim”, policia gjermane në kërkim të të riut shqiptar, vra u një shtetas turk

Një shtetas turk Mustafa A. u qëllua për vdekje në lagjen Gaarden të Kiel, Gjermani mbrëmjen e së hënës. Policia është në kërkim të të dyshuarit Fisnik Hoxha, 23 vjeç nga Kieli.

Sipas prokurorisë publike në Kiel, rreth orës 23:15, një person i panjohur më parë ka qëlluar disa herë mbi një 31-vjeçar në rrugën Gustav-Schatz-Hof. Ai vdiq në spital pavarësisht përpjekjeve të menjëhershme për reanimim. Sipas hetimeve të mëparshme nga prokuroria publike dhe policia kriminale e Kielit, 23-vjeçari Fisnik Hoxha është i dyshuari.

Prokuroria publike në Kiel ka ofruar një shpërblim prej 3000 eurosh për informacione që çojnë në arrestimin e autorit. Ata kanë bërë apel që kushdo që e sheh të dyshuarin Fisnik Hoxha të lajmërojë menjëherë policinë në numrin 110.

Policia iu bëri thirrje qytetarëve që të mos flasin me të dyshuarin nëse e shohin dhe se ai mund të jetë i armatosur. Po ashtu, në bazë të rezultateve të hetimeve të deritanishme, sipas policisë dhe prokurorit publik nuk ka rrezik për publikun.

Një zëdhënës i departamentit të policisë në Kiel njoftoi se skena e hapur e krimit ishte kontrolluar nga disa njësi policore. Nuk dihet nëse është gjetur ndonjë provë e mundshme. Mësohet se 31-vjeçari u qëllua me 4 plumba. Bw

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern