Titull Honoris Causa/ Universiteti i Tiranës nderon ish-sekretarin amerikan Mike Pompeo

Ish-sekretari amerikan i Shtetit Mike Pompeo është nderuar sot nga Universiteti i Tiranës me titullin “Honoris Causa”.

Vendimi është marrë për kontributin që zyrtari i lartë ka dhënë në ruajtjen e paqes, ndërtimin e dialogut, garantimin e sigurisë dhe thellimin e marrëdhënieve diplomatike mes Amerikës dhe vendit tonë.

Rektori i Universitetit të Tiranës Artan Hoxha tha se ky titull ky i jepet Pompeos si personalitet i rëndësishëm i SHBA me kontribut të çmuar në ruajtjen e paqes, ndërtimin e dialogut, garantimin e sigurisë në Evropë dhe Ballkanin Perëndimor si dhe për thellimin e marrëdhënieve diplomatike mes Amerikës dhe vendit tonë.

Ish-sekretari amerikan i shtetit Pompeo teksa shprehu falenderimet e tij për titullin akorduar e përqendroi fjalën e tij te inkurajimi i studentëve për të punuar fort dhe të japin kontributet e veta në zhvillimin e demokracisë.