LIGJET E BIZNESIT
Kryeministri Edi Rama doli sot në konferencë ku bëri një paralajmërim në lidhje me goditjen e evazionit fiskal për deklarimin e pagave të punonjësve.
Menjëherë pas kësaj deklarate ka reaguar liderja e Lëvizjes Socialiste për Integrim Monika Kryemadhi.
Teksa publikon një foto nga inceneratori i Tiranës, ajo shprehet se shumë shpejt drejtësia do të godasë sërish për pronarët e këtij inceneratori, që sipas kryetares së LSI-së kanë fituar azil në Vjenë.
“Me këtë foto të serave mbi inceneratorin e Tiranës, financuar nga fondet e BE, po përshëndes grupin e Vjenës dhe pronarët e inceneratorëve, që po rrojnë me shpresën se do t’i shpëtojnë drejtësisë, duke fituar azil në Vjenë të Austrisë. Tik-Tak, ora po afron.
P.S: Kryeministri që ulëret për evazionin fiskal, le të merret me evazionin fiskal të inceneratorit të Tiranës, ku firma me dy punonjës kanë faturuar tek firmat e skemës së koncesionit korruptiv vlera deri në 9 milion dollarë. Të shohë KM krimin shtetëror të kolegëve dhe miqve të tij, pastaj të merret me rrogat minimale të qytetarëve shqiptarë.”, shkruan Kryemadhi.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
