“Të merret menjëherë ky vendim” Ngjarja që tronditi Tiranën, Erzen Breçani bën thirrjen e fortë

Ish drejtuesi i Policisë së Shtetit Erzen Breçani ka folur për ngjarjen e rëndë të ndodhur mbrëmjen e djeshme në Komisariatin Nr.3 në Tiranë, ku polici 25 vjeçar vrau me gjashtë plumba kolegun e tij.

Sipas Breçanit, këto ngjarje zbehin vlerat dhe besueshmërinë e Policisë së Shtetit te komuniteti.

Breçani ka theksuar se nuk dihet se përse u ndalua testimi i narkotikëve për policët, por sipas informacioneve filluan të dalin shumë raste.

“Policia e Shtetit ka një mision për të parandaluar dhe mos të prodhojë krim. Vetë policia kur prodhon krim brenda komisariateve, e ulin vlerat dhe besueshmërinë te komuniteti. Për mendimin tim fajtori është ai që kryen aktin por e ka pas edhe një shkak. Shkaku i bullizmit duhet të ndalohet kategorikisht në një organizatë policie ku këta njerëz shkojnë për të zgjidhur situata shumë të ndërlikuara në terren, duhen të jenë të qetë, njohës të mirë të ligjit dhe terrenit.

Këto ngjarje e zbehin më së shumti rolin dhe besimin te policia.

Shefi i Komisariatit nuk duhet ti lërë asnjëherë pas dore informacionet dhe problematikat që i shef me sy. Duhet të shofi a ka njerëz që përdorin alkool. Nuk e di pse u stopua testi i narkotikëve? Sipas disa informacioneve thuhet se filluan të dalin shumë. Ka teste që i përdorin te qytetarët për përdorimin e alkoolit.”