LIGJET E BIZNESIT
Ish-kryeministri Sali Berisha kërkoi ndërprerjen e marrëdhënieve diplomatike me Moskën.
Në një prononcim për mediat në dalje të Kuvendit, ku në seancën e sotme plenare u transmetua fjalimi i presidentit të Ukrainës Volodymyr Zelensky, Berisha tha se Shqipëria duhet të largojë ambasadorin rus nga Tirana dhe njëkohësisht të tërheqë atw shqiptar nga Moska.
Berisha mbështeti dhe kërkesën e Presidentit ukrainas duke kërkuar që për asnjë shtetas rus të mos jepen viza për të ardhur në Shqipëri dhe anulimin e atyre që janë dhënë.
“Ndoqëm me vëmendje dhe interes të madh, por dhe emocione të thella fjalimin e presidentit të Ukrainës, këtij vendi, këtij kombi që po martirizohet për lirinë e Europës dhe botës në një agresion barbar të Vladimir Putin, i cili theksoi se paraqet sot një monstër me fytyrë njerëzore, një Kain (Sipas Bilblës, Kaini është njeri i parë që ka kryer vëlla-vrasje) që ka shndërruar kombin e tij në Kainër që ekzekutojnë vëllezër fëmijët e tyre, gratë e tyre dhe djegin e shkatërrojnë shtëpitë e tyre. Qëndresa e kombit ukrainas është një frymëzim i madh për ata që duan lirinë për ata që besojnë te liria dhe vlerat e saj. Siç jeni në dijeni që në ditët e para të agresionit, ne kemi ngritur zërin tonë në parlament për njihma konkrete të gjithanshme për këtë komb dhe këtë vend. Padyshim Shqipëria është rreshtuar në anën e NATO-s në OKB dhe ka dhënë ndihmesën e vet”, tha Berisha.
