LIGJET E BIZNESIT
Është djegur dhe raundi i dytë i votimit për presidentin e ri.
Kështu, afati i vendosur deri në orën 16:00 të ditës së sotme ka kaluar pa asnjë emër të propozuar nga PS dhe opozita.
Konferenca e Kryetarëve që u mblodh të martën vendosi që sot deri në orën 16:00 kandidatët me 20 firma deputetësh të depozitoheshin në Kryesinë e Kuvendit dhe më tej nesër do të mblidhet Komisioni i Ligjeve fillimisht paradite që të shqyrtojë emrat dhe pasdite kuvendi për votim.
Megjithëse java nisi me një pakt mes maxhorancë dhe opozitës që i jepte kësaj të fundit të drejtën që të propozojë kandidatë në raundin e dytë dhe të tretë, konsensusi zgjati më pak se 48 orë
Mëngjesin e të premtes grupi parlamentar socialist shpërndau një deklaratë të shkurtër ku kujtonte se, dakordësia mes palëve është që opozita të sjellë një emër në raundin e dytë dhe të tretë, i cili duhet të vijë me firma mbështetëse.
Kjo do të thotë se të hënën në Parlament, deputetët duhet të votojnë për një emër të ardhur me firmat e të paktën 20 deputetëve të opozitës. “Dy dite me pare kemi rene dakord qe ne raundin e dyte dhe te trete ne nuk do propozojmë kandidat dhe i takon opozitës të propozoje. Propozimi për President duhet te vije dhe me firma mbështetëse nga opozita. Nëse presidenti nuk zgjidhet në këto dy raunde, në raundin e katërt do të propozojmë ne. Takimi ka qene publik dhe kjo është dakordësuar ne prani te mediave”, thuhet në deklaratën e PS-së.
