Si i parandaloi policia italiane sulmet e hakerave pro rusë në finalen e Eurovision 2022

Policia italiane parandaloi sulmet kibernetike nga grupet e hakerëve pro-rusë gjatë gjysmëfinales më 10 maj dhe finales, të shtunën, të Eurovision Song Contest në Torino.

Policia italiane sqaroi se gjatë procedurave të votimit dhe daljeve të konkurrentëve parandaloi sulmet kibernetike ndaj infrastrukturës së rrjetit nga grupi i hakerëve “Killnet” dhe filiali i tij “Legion” .

Më 11 maj, “Killnet” mori përgjegjësinë për një sulm në faqet e internetit të disa institucioneve italiane, duke përfshirë Senatin – dhoma e lartë e parlamentit italian – dhe Institutin Kombëtar të Shëndetësisë (ISS), njoftoi agjencia italiane e lajmeve ANSA.

Pas pushtimit rus të Ukrainës më 24 shkurt, shumë qeveri perëndimore kanë ngritur nivelet e alarmit në pritje të sulmeve të mundshme kibernetike ndaj sistemeve të informacionit dhe infrastrukturës.

Orkestra e Ukrainës Kalush fitoi dje në Eurovizion me këngën “Stefania”, duke shijuar një valë mbështetjeje nga publiku, ndërsa fitoren e përshëndeti presidenti Volodymyr Zelensky.