“Shqiptarët e meritojnë finalen” Flet Jose Mourinho: Popull dhe qytet i veçantë

Trajneri i ekipit të Romës Jose Mourinho e ka quajtur Shqipërinë një vend të veçantë.

Në një intervistë të dhënë për mediat, numri një i pankinës së skuadrës italiane ka thënë fjalët më të mira për Tiranën, por edhe për popullin kuqezi.

“Kur arritëm në gjysmëfinale e kuptova se sa e rëndësishme ishte. Tifozët dhe stadiumi e prisnin këtë moment. Ata janë një popull dhe një qytet i veçantë. Ata e meritojnë këtë.

E them të veçantë sepse na përfshijnë në emocionet e tyre, i kuptojmë dhe bëhemi pjesë e tyre. Kemi krijuar një ndjeshmëri që shkon përtej rezultateve” – tha ai. Roma-Feynoord, finalja e Conference League luhet nesër në Air Albania.