Shqipëria nën “pushtetin” e temperaturave të larta, por ja surprizat që ofron moti në fundjavë

Këto ditë Shqipëria është “pushtuar” nga temperaturat e larta deri në 35 gradë celcius.

Por pas valës së nxehtë, fundjava pritet të sjellë ulje të temperaturave.

Sipas parashikimit të motit, ditën e shtunë mbasdite pritet shtim i vranësirave në të gjithë territorin të cilat shoqërohen me reshje shiu.

Ndërkohë që dita e diel do të sjellë një ulje temperaturash me 7 gradë sa u përket vlerave maksimale. Ndërsa gjatë gjithë ditës parashikohet të ketë reshje shiu dhe shkarkesa elektrike.

Gjithashtu edhe gjatë ditës së hënë moti do të jetë i freskët, ndërsa nga e marta e në vazhdim temperaturat do të fillojnë një rritje të cilat pritet të kapin 35 gradë në vlerat maksimale.