Sfidat e “Tik Tok”, 12-vjeçari vd es teksa bënte video

Autoritetet po kërkojnë përgjigje për rrethanat në të cilat 12-vjeçari nga Kato Patisia i dha fund jetës mbrëmjen e së premtes.

Siç u bë e ditur, fëmija është gjetur i varur në dhomën e tij nga prindërit, të cilët në gjendje shoku kanë thirrur ambulancën. Megjithatë ishte tepër vonë.

Lajmi përhapi trishtim edhe në zonën e Pagratit , pasi 12-vjeçari ishte një sportist dhe shumë i dashur. Madje, fundjavën e kaluar ai do të merrte pjesë në lojërat panhelenike në Lutraki të cilat u zhvilluan në një atmosferë zie për shkak të ngjarjes tragjike.

Një nga skenarët e konsideruar nga Policia është se fëmija ka marrë pjesë në sfidën e lojës online “Blackout”, një lojë vdekjeprurëse e platformës TikTok .

Policia e cila ka hyrë në dhomë ka gjetur celularin pranë 12-vjeçarit.

Është celulari ai që do të japë përgjigje për shkaqet e tragjedisë, pasi policia do të shohë nëse ai ka pasur një bisedë që shpjegon arsyet e vetëvrasjes apo ka pasur diçka tjetër që e ka shqetësuar.

Çfarë është sfida e “Blackout”?

“Blackout” apo sfida e ndërprerjes i inkurajon pjesëmarrësit të mbytin veten , me fije ose kabllo , derisa të humbasin përkohësisht vetëdijen, të filmojnë një video dhe më pas ta ngarkojnë atë në Tik Tok.

Rreziqet e lojërave të fatit janë serioze pasi mund të shkaktojnë dëmtime të trurit dhe madje të jenë fatale.