Rruga e Rinasit me një sens lëvizje/ Qytetarët në protestë: Do bllokojmë aeroportin

Ashtu sikurse ishte lajmëruar, në rrugën e Rinasit banorë të shumtë janë mbledhur sot për të protestuar. Kjo protestë vjen pas kaosit të shkaktuar një ditë më parë.

Ky aks u bë vetëm me një sens kalimi dhe për pasojë solli trafik të rënduar me radhë të gjata automjetesh.

Ky vendim penalizon po ashtu banorët e zonës së Rinasit. Një ditë më parë ata thanë se për disa metra furgonët e shkollave duhet të përshkojnë një rrugë të gjatë.

Për këtë, sikurse njoftuan ata janë mbledhur për të protestuar. Në vendngjarje ka forca të shtuara të policisë. Efektivët nuk lejojnë protestuesit që të bllokojnë qarkullimin.

Sakaq, në qoftë se nuk i jepet zgjidhje banorët paralajmërojnë se do të jenë aty çdo ditë, duke bllokuar rrugën e aeroportit. “Nëse nuk hiqen tabelat, këtu do të jemi çdo ditë. Do ta bllokojmë aeroportin totalisht”, tha një prej tyre.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern