Në një konferencë për mediat, kryetari i Partisë Demokratike Sali Berisha i ka bërë thirrje të penduarit të drejtësisë Nuredin Dumani, që të tregojë të gjitha të vërtetat.
Berisha u shpreh se ato që tha Dumani për bandën e Elbasanit diheshin, por rrëfimi duhet bërë deri në fund, ku sipas tij, do të zbulohen lidhjet e mafiozëve me qeverinë.
“Për shkak të vendimeve unifikuese, ky kërkon përgjegjësi penale për ata persona. bëhet amnisti për shkelës të rëndë të ligjit. Qeveria e Ramës ka hapur tenderin e madh të korrupsionit për tërheqjen nga rekurset për çështjet të ndryshme të klientëve të saj që shkon mld euro në kurriz të taksave-paguesve shqiptarë. Është akt i pashembullt, akt madhor, Ju bëj thirrje punonjësve të administratës që të denoncojnë publikisht çdo rast abuzim me këtë vendim. Ky është akt i paimagjinueshëm, por asgjë s’ka të paimagjinueshme në këtë vend, në këtë shtet, fytyra e të cilit është Nexhbedin Dumani (Nuredin Dumani). Një serial killer që po zbërthehet, e vlerësoj vendimin e tij për të rrëfyer por i bëj thirrje të rrëfejë çdo gjë, se deri tani absolutisht s’ka thënë gjë tjetër, veç atë që e kemi ditur të gjithë.
S’ka pasur asnjë dyshim se banda e Elbasanit dhe bandat e tjerra kanë qenë fund e krye të lidhura me qeverinë. Se ato kanë pasur në xhep Prokurorinë e Elbasanit. I bëj thirrje Dumanit në emër të asaj që rifiton në vetvete një njeri që rrëfehet. Se çfarë është një i penduar i drejtësisë? Është një njeri që vendos të rrëfehet në kuptimin moral, krimet që ai ka kryer për të shpëtuar shpirtin e tij. Kjo është e pranishme ky rrëfim. I bëjë thirrje që ta bëjë të plotë, ta bëj me guxim, pasi ka tendencë censure të rrëfimeve të tij tronditëse që dëshmojnë qartë atë çka thuhet nga mediat. I bëj thirrje që të bëhen publike tabulatet e Taulant Ballës me Suel Çelën. Taulant Çela është minimumi.” tha Berisha.
