Java është karakterizuar kryesisht nga temperatura të larta, karakteristike për këtë periudhë.
Ato vijuan deri paraditen e sotme, por duke nisur na pasditja, situata pritet të marrë një rrjedhe të papritur.
Siç raporton Meteoalb dhe stacionet meteorologjike rajonale, duke filluar nga ora 15:00 vendi do të përfshihet nga vranësira, të cilat do të vërehen thuajse në të gjithë pjesën jugore dhe qendrore të Shqipërisë.
Pikërisht në këto zona parashikohen edhe reshje shiu si edhe shkarkesa elektrike për gati dy orë. Moti pritet të përmirësohet duke filluar nga orët e mbrëmjes në vijim, ndërsa temperaturat e freskëta protet të vijojnë deri nesër paradite, ku pritet një tjetër rritje e tyre.
Zonat që pritet të preken më shumë nga reshjet janë malësia e Tiranës si edhe zona mes Librazhdit, Pogradecit dhe Elbasanit, kurse pjesa tjetër do të përfshihet nga reshje të moderuara.
