Ministrja e Shtetit për Mbrojtjen e Sipërmarrjes Edona Bilali deklaroi pak kohë më parë se opozita është duke dhënë kontributin e saj që kreu i qeverisë Edi Rama të kthehet në një Zeus dhe Shqipëria në një monarki të mundshme.
Menjëherë këto fjalë sollën një reagim të bujshëm nga masa e gjerë dhe opinioni publik.
Në lidhje me mesazhin që dha dikur, Bilali ka folur sot në programin “Fit Station”.
“Mendoj se ka ardhur momenti të mbaj dhe qëndrim, dhe kam mbajtur për një nga rastet si ‘Zeusi i famshëm’ dhe akoma nuk e kam çuar deri në fund. Të bardhës nuk mund t’i thuhet e zezë, pavarësisht se del dikush dhe e thotë, më pas bëhen 5 njerëz e më pas 50. Po ta marrësh ta dëgjosh videon e cila sigurisht është shkëputur nga konteksti, por dhe nëse e merr e dëgjon të gjithë kuptohet qartë çfarë kam dashur të them. E ka sqaruar kryeministri 2 herë, e kam sqaruar unë 2 herë, por sigurisht për avantazhe politike njerëzve ju intereson ta përdorin”, u shpreh ministrja Bilali.
