Ra në pranga ditën e finales së Conference League, Gjykata merr vendimin për Ballist Morinën

Gjykata e Durrësit ka marrë vendimin për të liruar nga burgu “supertifozin” e kombëtares Kuq e Zi, Ballist Morina.

Ai u arrestua në Kukës paraditen e 25 majit, ditës së finales së madhe të Conference League Roma-Feyenoord, e cila u zhvillua në stadiumin “Air Albania” të Tiranës.

Ndaj Morinës kishte urdhër arresti, pasi kishte edhe 5 muaj burg pa shlyer për armëmbajtje pa leje.

“Vendim revokimi për vendimin penal në mungesë. Procedurat e mëtejshme duhet t’i bëjë Gjykata e Apelit në Durrës, e cila është gjykatë kompetente për të shqyrtuar çështjen e gjykatës së Shkallës së Parë Durrës. U pranua kërkesa e tij për lirim. Do të jetë i lirshëm sepse hetimi për të ka mbaruar tashmë. Ai ka një vendim dënimi dhe i mbeten pa vuajtur 5 muaj e 12 ditë, të cilin do ta konvertojë me shërbimin e provës”, tha avokati Gramoz Lika.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern