“Puna jo e mirëpaguar e zhvesh punëtorin nga dinjiteti” Meta mesazh të fortë për 1 Majin

Presidenti Ilir Meta ka dhënë një mesazh të fortë me rastin e Ditës Ndërkombëtare të Punës.

Ai shprehet se 1 maji nuk mund të jetë thjesht festë, por një moment reflektimi për të gjithë ditët dhe kushtet e punës në Shqipëri.

REAGIMI I FORTE

1 Maji nuk mund të jetë thjeshtë një ditë feste, por një moment reflektimi për të gjitha ditët dhe kushtet e punës në Shqipëri.

Puna jo e mirëpaguar, pa kontratë të rregullt dhe kontribute pensioni, pa sigurim shëndetësor dhe të drejta për pushim me pagesë e zhvesh punëtorin nga dinjiteti dhe e vendos në një marrëdhënie shfrytëzimi.

Kjo situatë duhet të marrë fund!

Pasojat e rënda dhe afatgjata të pandemisë dhe luftës në Ukrainë, në veçanti rritja abuzive e çmimeve, e shtrojnë më me forcë këtë domosdoshmëri, në veçanti për rritjen e pagës minimale, garantimin e kushteve në vendin e punës dhe të çdo të drejte që siguron mirëqenie dhe drejtësi sociale.

Të dëgjojmë me përulësi zërin e punëtorëve!