Prokuroria nis hetimet/ Aksidenti i pazakontë në Tiranë, ja çfarë dyshohet

Kanë nisur hetimet nga Prokuroria për të zbardhur shkaqet e aksidentit të pazakontë në Tiranë.

Një autobuz i linjës së “Unazës” u përplas me një veturë duke përfunduar në lumin e Lanës.

Çështja është regjistruar si kundërvajtje penale, për shkak se nga aksidenti nuk pati viktima, por vetëm të lënduar. Të dy shoferat, ai i autobusit dhe i veturës do të hetohen në gjendje të lirë. Ekpserti autoteknik pritet të paraqesë gjetjet e tij, por fakti që autobusi është hybrid, e komplikon ekspertizën.

Të dy shoferët pretendojnë se kishin ndaluar në momentin e aksidentit, ndërsa drejtuesi i autobusit insiston se mjeti mori superxhiro duke dalë jashtë konrtollit të tij.

Pesë persona u plagosën lehtë nga aksidenti, ndërsa autobusi vijon të mbetet në vendin e ngjarjes, pranë Kinema Agimit.