Me plot mister shoqërohet vdekja e 42-vjeçarit që u gjet i pajetë ditën e sotme në një godinë të braktisur në Fier. Trupi i pajetë i Julian Priftit u konstatua në lagjen 16 Prilli, ndërkohë që policia dyshon se ai mund të jetë vetëvrarë, duke u mbytur.
Në një reagim, familjarët e të ndjerit kanë hedhur poshtë këtë pretendim, duke shtuar se ai mund të jetë vrarë. Prifti rezultonte i zhdukur prej afro një muaji.
Sipas nipit të viktimës, Juliani nuk kishte probleme financiare apo borxhe, pasi kishte një punë që nxirrte të ardhura.
Midis të tjerash familja e 42-vjeçarit ngre gishtin e akuzës drejt familjarëve të bashkëshortes së Julianit se mund të kenë lidhje me ngjarjen.
Në këtë mënyrë, ata mohojnë se Juliani mund të jetë vetëvrarë.
