Pas nëntë vjedhjeve me vlerë 80 mijë €, arrestohen tre hajdutët shqiptarë

Në Val-de-Marne, Francë një bandë hajdutësh shqiptarë është arrestuar. Oficerët e policisë kanë kapur një bandë hajdutësh përgjegjës për disa grabitje. Tre persona të dyshimtë u pikasën nga policia më 26 prill në një zonë banimi të Saint-Maur-des-Fossés. Banda përbëhej nga tre persona dhe njëri prej tyre drejtonte makinën, ndërsa dy të tjerët lokalizonin vendndodhjen. Ndërsa të dyshuarit sapo kishin hyrë me kaçavida në një shtëpi, policia ka pritur disa minuta para se t’i arrestonte në flagrancë.

Gjatë hetimeve, hetuesit zbuluan se tre hajdutët shqiptarë të pastrehë nuk po bënin tentativën e parë. Midis 11 marsit dhe 26 prillit në rajonin e Parisit, ata u identifikuan si të përfshirë në 9 vjedhje të tjera. Skuadra e hajdutëve me moshë nga 24 deri në 30 vjeç tashmë kishte kryer vjedhje në Berlin dhe Paris. Të gjitha vjedhjet vlerësohen në 80 mijë euro në total. Tre të dyshuarit janë arrestuar dhe janë në pritje të vendimit ndaj tyre.