Para se të blini produktet për lëkurën, kini kujdes me këto gjëra

Kur bëhet fjalë për kujdesin e lëkurës, nuk ka vend për pakujdesi. Zgjedhja e produkteve të duhura nga një sasi pothuajse e pakufishme opsionesh nuk është diçka e vogël. Ne të gjithë priremi të jemi të padurueshëm dhe të rrëmbejmë cilindo produkt që është brenda mundësive (dhe buxhetit) tonë, por ka disa gjëra që mund t’i mbani parasysh për t’u siguruar që gjithmonë të gjeni produktet e duhura.

Njihni llojin e lëkurës tuaj

Është e nevojshme të dini llojin e lëkurës tuaj përpara se të blini produkte për kujdesin e lëkurës. Shumë produkte janë bërë veçanërisht për një lloj lëkure të caktuar, përdorimi i një produkti me llojin e gabuar të lëkurës mund të çojë në një listë problemesh ose përkeqësim të problemeve ekzistuese. Ata me lëkurë të thatë duhet t’i përmbahen produkteve hidratuese, dhe ata me lëkurë të yndyrshme mund të përfitojnë nga produktet me veti rregulluese të yndyrës.

Njihni përbërësit

Supermarketet dhe dyqanet online janë “përmbytur” me produkte deri në buzë me kimikate dhe aditivë të dëmshëm. Këto kimikate përthithen lehtësisht nga lëkura dhe çojnë në disa probleme si lëkura e thatë, skuqjet dhe madje edhe kanceri i lëkurës. Nuk ka turp të jesh i sigurt, të kërkosh produktet tërësisht natyrale, pa kimikate që janë gjerësisht të disponueshme sot.

Dijeni se çfarë i përshtatet lëkurës tuaj

Përdorimi i produkteve natyrale që nuk përbëjnë asnjë kërcënim real për lëkurën tuaj është një hap i parë i mençur, por edhe këto produkte ndonjëherë mund të jenë kundërproduktive kur përdoren në mënyrë të papërshtatshme. Shumë njerëz janë alergjikë ndaj përbërësve të caktuar që mund të përdoren në produkte organike, tërësisht natyrale, prandaj është e rëndësishme që të kërkoni produkte që funksionojnë brenda kufizimeve të lëkurës tuaj.

Bëni një test të lëkurës

Në këtë jetë me ritme të shpejta që jetojmë, ndonjëherë ne i anashkalojmë masat e thjeshta të sigurisë, edhe në kurriz të shëndetit dhe mirëqenies sonë. Është e nevojshme t’i kujtojmë vetes se një test i thjeshtë mund t’ju kursejë kohë, para dhe përpjekje. Pavarësisht se sa i sigurt duket një produkt dhe sa i padëmshëm është shitur në treg, një test mund të jetë vendimi më i mirë që merrni kur zgjidhni produktet e duhura për kujdesin e lëkurës.

Revista Living