Efektivi i Forcave të Ndërhyrjes së Shpejtë Lutfi Gjyli ka dalë para gjykatës për tu njohur me masën e sigurisë.
Ai plagosi me armën e shërbimit mikun me të cilin ishte ulur në të njëjtën tavolinë me 23 maj në një lokal të zonës së Kombinatit në Tiranë.
Në seancën e zhvilluar këtë të enjte, 48-vjeçari tha se arma ishte shkrepur pa dashje dhe nuk kishte pasur asnjë qëllim për lëndimin e shtetasit Myrteza Lika. Megjithatë Prokuroria ka ngritur ndaj tij akuzën e plagosjes së rëndë me dashje.
Kujtojmë se në një njoftim për mediat Agjencia për Mbikëqyrjen Policore tha se Gjyli plagosi Myrteza Likën në gjendje të dehur.
