Kuvendi Kombëtar e shkarkoi si kryetar të grupit parlamentar të PD, flet për herë të parë Enkelejd Alibeaj

Deputeti demokrat Enkelejd Alibeaj u shkarkua si kryetar i grupit parlamentar të PD në Kuvendin e 30 prillit që organizoi ish-kreu i qeverisë Sali Berisha.

Ndërkohë sot Alibeaj ka vizituar së bashku me disa deputetë të djathtë Komunitetin Mysliman Shqiptar.

Ai refuzoi të fliste për politike dhe nuk preferoi të komentonte shkarkimin e tij nga Kuvendi Kombëtar.

Alibeaj ka uruar besimtarët myslimanë për festën e Fitër Bajramit, teksa u shpreh se e rëndësishme në këtë ditë është t’i gjendemi pranë njëri tjetrit.

Enkeled Alibeaj: Është ditë e shënuar për të gjithë besimtarët myslimanë. Është një ditë për ta vlerësuar, pas një muaj sakrifice, agjërimi. Pata një ftesë nga myftiu i Elbasanit, me shumë dëshirë erdha. Sigurisht më lejoni që në një ditë feste të tillë politikën ta lëmë jashtë.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern