Kërkonin nga 20-25 mijë £ për të dërguar shqiptarët në Angli, pranga dy grave dhe dy burrave

4 persona të tjerë janë arrestuar si pjesë e një hetimi në vazhdim të Agjencisë Kombëtare të Krimit i cili synon një grup të krimit të organizuar që dyshohet se është përfshirë në kontrabandimin e qindra emigrantëve shqiptarë në Mbretërinë e Bashkuar në mënyrë krejt të paligjshme.

Dy gra të moshës përkatësisht 27 dhe 29 vjeç dhe një 22 vjeçar, u arrestuan në zonën Cowley të Oksfordit, ndërsa një burrë 34-vjeçar u arrestua nga NCA në zonën Beckenham në juglindje të Londrës. Arrestimet ishin faza e fundit e një hetimi tepër të rëndësishëm të NCA-së në një rrjet të kontrabandës me njerëz, për të cilin hetuesit besojnë se përdorte kamionë dhe furgonë me qira për të transportuar individë nga Franca veriore. 7 persona u arrestuan si pjesë e të njëjtit hetim në korrik të vitit të kaluar.

Ka dyshime se grupi ka pasur kontakte në të gjithë Evropën, në Francë, Gjermani, Holandë dhe Poloni. Në disa raste migrantët besohet se i kanë paguar OCG-së 20,000 dhe 25,000 £ për të arritur në Mbretërinë e Bashkuar.