Kërcënohet me jetë ish-shefi i Krimeve në Drejtorinë e Policisë së Elbasanit K.G.
Gjatë kohës që shtetasi me iniciale K.G ushtronte detyrën e Shefit të krimeve të Rënda në Drejtorinë e Policisë së Elbasanit, ka qenë pjesë e hetimit të dhjetëra dosjeve të “nxehta”.
Ai ka hetuar dosjet e vrasjes së Bujar Çelës vëllait të Talo Çelës, për të cilën akuzohet Nuredin Dumani, apo edhe vrasjes së Regis Runajt dhe Emiljano Ramazanit.
K.G ka bërë kërkesë në zyrën e Drejtorisë që merret me mbrojtjen e efektivëve, por kjo drejtori e ka refuzuar kërkesën e oficerit të lartë.
